2014-04-21

MAGİYA ictimai birliyi 12-21 aprel 2014-cü il tarixlərində Lənkəran şəhərində yerləşən AB Qala otelində Azərbaycanın 16 müxtəlif regionundan (Bakı, Bərdə, Daşkəsən, Gəncə, Goranboy, Xaçmaz, Qazax, Lənkəran, Mingəçevir, Naxçıvan, Oğuz, Şəki, Şəmkir, Şirvan, Tovuz və Zaqatala) olan 25 nəfər gənc üçün Almaniyanın MitOst Assosiasiyasının təşkilati və Alman Federal Xarici İşlər Nazirliyinin və Robert Bosch Stiftung Fondunun maliyyə dəstəyi ilə (10773,75 Avro) “İnkişaf Zamanı” layihəsi çərçivəsində 1 həftəlik təlim kursları təşkil etmişdir. Təlim kurslarında 11 nəfər oğlan və 14 nəfər qız iştirak etmişdir. Təlim kurslarında heyətlə iştirakçılar arasında müasir inkişaf sahəsi ilə əlaqədar bir çox mövzular geniş müzakirə olunmuşdur. Təlimin keçirilməsi zamanı heyət interaktiv qrup müzakirələri, debatlar, simulyasiyalar, təqdimatlar, fokus qrup müzakirələri, rol oyunları kimi bir çox təlim metodlarından geniş istifadə etmiş, eləcə də, bütün sessiya ərzində mövzularla bağlı bir-çox sosial çarxlar izlənilmişdir. Təlim kursunun sonunda iştirakçılar və təşkilatçılar, eləcə də qonaqlar və ekspertlər layihə ilə bağlı öz fikirlərini bildirmiş və donora regionlardan olan gənclər üçün belə bir faydalı layihənin reallaşdırılmasını təmin etdiyi üçün minnətdarlıq etmişlər.