2013-12-18

18 Dekabr 2013-cü il tarixində MAGİYA ictimai birliyi Lənkəran şəhərindəki ofisində ABŞ-ın Azərbaycan Respublikasındakı Səfirliyinin maliyyə dəstəyi ilə (13223,22 ABŞ Dolları) həyata keçirilən “Region gəncləri üçün liderlik məktəbi” layihəsnin, eləcə də, Azərbaycan Respublikasının Prezidenti yanında Gənclər Fondunun maliyyə dəstəyi ilə (5500 manatl) həyata keçirilən “Özünü və ətrafdakıları HİV/AİDS və narkomaniyadan qoru!” layihəsinin və Azərbaycan Respublikasının Gənclər və İdman Nazirliyinin maliyyə dəstəyi ilə (3595 AZN) həyata keçirilən “Korporativ sosial məsuliyyət siyasətinin formalaşdırılmasına ictimai dəstək” layihəsinin bitməsi ilə əlaqədar mətbuat konfransı təşkil etmişdir. Tədbirdə 20 nəfərə yaxın KİV, hökumət, QHT və Gənclər təşkilatlarının nümayəndələri iştirak etmişdir. Tədbir zamanı təşkilatın nümayəndələri iştirakçılara mövcud layihələrin uğurları və davamlı nəticələri barədə qısa məlumatlar vermişlər. Tədbir zamanı bəzi iştirakçılar cari layihələr barədə müvafiq suallar vermiş və tədbirin sonunda qeyd etmişlər ki, gələcəkdə də, region gəncləri üçün bu cür maraqlı və faydalı layihələrin həyata keçirilməsi çox yaxşı olardı. Sonda Azərbaycan Respublikasının regionlarından olan gənclərinin bilik və bacarıqlarının gücləndirilməsinin yüksəldilməsi istiqamətində göstərdiyi diqqət və dəstəyə görə hamı layihələrin donorlarına minnətdarlıq etdi.