2013-11-01

MAGİYA ictimai birliyi 01 noyabr 2013-cü il tarixində MAGİYA ictimai birliyinin ofisində “Azərbaycanda demokratik təşəbbüslərə dəstək” layihəsi çərçivəsində 16 nəfər gənc üçün yarım günlük təlim kursu təşkil etmişdir. “Gənclər və qadınlar üçün QHT məlumatlandırması (MAGİYA ictimai birliyinin timsalında)” adlı təlim kursunda heyətlə iştirakçılar arasında QHT təsisatı ilə əlaqədar bir çox mövzular – “QHT, QHT təsisatı və idarəçiliyi” müzakirə olunmuşdur. Təlim ərzində heyət müxtəlif rol oyunları, interaktiv qrup işləri, debatlar, simulyasiyalar, fokus qrup müzakirələri və təqdimatlar kimi bir çox təlim metodlarından geniş istifadə etmiş və bütün sessiya ərzində mövzularla bağlı bir-çox sosial çarxlar izlənilmişdir. Tədbir zamanı bəzi iştirakçılar layihə barədə müvafiq suallar vermiş və tədbirin sonunda qeyd etmişlər ki, gələcəkdə də, region gəncləri üçün bu cür maraqlı və faydalı layihələrin həyata keçirilməsi çox yaxşı olardı.