2013-05-04

MAGİYA ictimai birliyinin nəzdində könüllü gənclərdən təşkil olunmuş “Birİncilər” komandası 26 üzvü ilə birlikdə 2013-cü ilin mart ayının 4-dən artıq rəsmi fəaliyyət göstərir. “Birİncilər” komandasında müxtəlif sahələrdən olan lider gənclər toplaşıb. “Birİncilər” komandası öz inkişafını nəzərə alaraq bu iki ay ərzində bir çox klublar yaratmış və çoxlu təlimlər, seminarlar keçirmişlər. Hal-hazırda burada 7 klub fəaliyyət göstərir: İngilis dili, kitab, müzakirələr (İngilis dilində), təlimlər, kino, kompüter klubları və ayda bir dəfə olmaq şərtilə hesabat klubu. MAGİYA ictimai birliyi öz “Birİncilər”i komandasının “sosial video çarxlar” ideyalarını da realaşdırmışdır. Bundan başqa “Onları unutmaq olmaz” devizi altında “Birİncilər” uşaq evində də uşaqlar üçün maarifləndirici təlimlər keçirməyi planlaşdırır. Bu günə kimi onlar təxminən 20-25 tədbir təşkil etmişlər. Hər ayın sonunda isə “Birİncilər”də “Ayın ən Fəalı” seçimi olur.