2012-05-21

MAGİYA ictimai birliyi 19-21 may tarixlərində Lənkəran şəhərində AB Qala otelində 25 nəfər gənc üçün “Regionlarda yaşayan gənclərin liderlik bacarıqlarının artırılması” mövzusunda dördüncü 3 günlük təlim kursunu təşkil etmişdir. Təlim kursunda 8 nəfər qız, 17 nəfər oğlan iştirak etmişdir. Təlim kursunda təşkilatın heyətindən başqa iki nəfər təlimçi – təlimçi-ekspert Qurban Kərimbəyli və Lənkərandan olan yerli təlimçi Samir Axundov da iştirak etmişdir. Təlim kursunda heyətlə iştirakçılar arasında liderlik bacarıqları ilə əlaqədar bir çox mövzular – “Strateji planlaşdırma, Strategiya və taktika anlayışları, Layihələrin – təkliflərin yazılması və idarəçiliyi, Fəaliyyət planlarının tərtibatı, Monitorinq və qiymətləndirmə, Gənclərlə bağlı yerli və beynəlxalq layihələr və bu layihələrdə iştirak yolları” müzakirə olunmuşdur. Təlimin keçirilməsi zamanı müxtəlif rol oyunları, interaktiv qrup işləri, debatlar, simulyasiyalar, fokus qrup müzakirələri və təqdimatlar kimi bir çox təlim metodlarından da geniş istifadə olunmuş və bütün sessiya ərzində mövzularla bağlı bir-çox sosial çarxlar izlənilmişdir. Təlim kursunun sonunda iştirakçılar və təşkilatçılar layihə ilə bağlı öz fikirlərini bildirmiş, qonaqlara və donorlara – NDİ və USAİD Vaşinqton DC-yə region gəncləri üçün belə bir layihənin reallaşdırılmasını təmin etdiyi üçün minnətdarlıq edilmişdir.