2012-10-21

MAGİYA ictimai birliyi 20-21 oktyabr tarixlərində Astara şəhərində Astara Olimpiya İdman Kompleksində “Cənub bölgəsində narkomaniya və HİV/AİDS-ə qarşı mübarizə” layihəsi çərçivəsində 25 nəfər gənc üçün 2 günlük təlim kursu təşkil etmişdir. Təlim kursunda Astara şəhər Gənclər və İdman İdarəsinin rəisi cənab Ərçə Əliyev, 14 nəfər gənc qız və 11 nəfər gənc oğlan iştirak etmişdir. Təlim kursunda heyətlə iştirakçılar arasında sağlam həyat tərzi ilə əlaqədar bir çox mövzular – “HİV/AİDS, HİV/AİDS və narkomaniya, cari problemlər və onların həlli yolları, Dünya və ölkə statistikaları, Milli qanunvericilik” müzakirə olunmuşdur. Təlim ərzində heyət müxtəlif rol oyunları, interaktiv qrup işləri, debatlar, simulyasiyalar, fokus qrup müzakirələri və təqdimatlar kimi bir çox təlim metodlarından geniş istifadə etmiş və bütün sessiya ərzində mövzularla bağlı bir-çox sosial çarxlar izlənilmişdir. Təlim kursunun sonunda iştirakçılar və təşkilatçılar səsvermə yolu ilə 10 fəal şəxsi 10-11 Noyabr 2012-ci il tarixində Lənkərandakı “Təlimçilər üçün təlim” adlı zonal təlim kursuna seçdilər. Onlar həmçinin cənub bölgəsində gənclər üçün belə bir mühüm layihənin həyata keçirilməsini təmin etdiyi üçün Gənclər və İdman Nazirliyinə öz minnətdarlıqlarını bildirmişlər.