2013-07-09

MAGİYA ictimai birliyi 09 iyul 2013-cü il tarixində Lənkəran Gənclər Evində “Azərbaycanda demokratik təşəbbüslərə dəstək” layihəsi çərçivəsində 25 nəfər gənc üçün yarım günlük təlim kursu təşkil etmişdir. “Yerli QHT üzvləri və Resurs Mərkəzinin əməkdaşları üçün seçki məlumatlandırması” adlı təlim kursunda heyətlə iştirakçılar arasında seçki prosesi ilə əlaqədar bir çox mövzular – “Seçki, seçki sistemi, seçki kampaniyası, seçki məntəqəsi, seçki bülleteni, seçki hüququ və seçki məcəlləsi” müzakirə olunmuşdur. Təlim ərzində heyət müxtəlif rol oyunları, interaktiv qrup işləri, debatlar, simulyasiyalar, fokus qrup müzakirələri və təqdimatlar kimi bir çox təlim metodlarından geniş istifadə etmiş və bütün sessiya ərzində mövzularla bağlı bir-çox sosial çarxlar izlənilmişdir. Tədbir zamanı bəzi iştirakçılar layihə barədə müvafiq suallar vermiş və tədbirin sonunda qeyd etmişlər ki, gələcəkdə də, region gəncləri üçün bu cür maraqlı və faydalı layihələrin həyata keçirilməsi çox yaxşı olardı.