2012-09-23

23 Sentyabr tarixində MAGİYA ictimai birliyi Lənkəran şəhərində AB Qala otelində MAGİYA ictimai birliyinin internet səhifəsinin təqdimatı ilə əlaqədar görüş təşkil etmişdir. Görüşdə liderlik layihəsinin məzunları da daxil olmaqla, 30 nəfərə yaxın QHT, KİV, Gənclər təşkilatları, hökumət nümayəndələri və digər maraqlı şəxslər iştirak etmişdir. Görüş zamanı təşkilatın nümayəndələri iştirakçılara “Regionlarda yaşayan gənclərin liderlik bacarıqlarının artırılması” layihəsi, onun uğurları və davamlı nəticələri barədə müvafiq məlumatlar vermişdir. Daha sonra isə onlar MAGİYA ictimai birliyinin www.epsaya.az adlı internet səhifəsinin təqdimatını keçirmiş və qeyd etmişlər ki, bu internet səhifəsi NDİ (ABŞ-ın Milli Demokratiya İnstitutu) və USAİD-in (ABŞ-ın Beynəlxalq İnkişaf Agentliyi) təşkilati və maliyyə dəstəyi ilə yaradılmışdır. Tədbirin sonunda iştirakçılar layihə və internet səhifəsi barədə bir neçə sual vermiş və qeyd etmişlər ki, regionlardan olan gənclər üçün belə layihələrin həyata keçirilməsi çox faydalı və lazımi təşəbbüsdür. Buna görə də, Azərbaycanın region gənclərinə göstərdiyi diqqət və qayğıya görə hamı donorlara dərin təşəkkürünü bildirdi.