2014-11-09

MAGİYA ictimai birliyi 07-09 noyabr 2014-cü il tarixlərində Lənkəran şəhərində yerləşən AB Qala otelində Azərbaycanın 13 müxtəlif regionundan (Ağstafa, Astara, Bakı, Cəlilabad, Daşkəsən, Gəncə, Goranboy, Naxçıvan, Neftçala, Sumqayıt, Tovuz, Yardımlı və Yevlax) olan 20 nəfər gənc üçün Azərbaycan Respublikasının Prezidenti yanında Gənclər Fondunun maliyyə dəstəyi ilə (6500 AZN) “Korporativ sosial məsuliyyətin inkişafında gənclərin rolunun artırılması” mövzusunda 3 günlük təlim kursları təşkil etmişdir. Təlim kurslarında 10 nəfər oğlan və 10 nəfər qız iştirak etmişdir. Qeyd edək ki, təlim kurslarından öncə Azərbaycanın 25 müxtəlif yaşayış məntəqəsindən (Abşeron, Ağstafa, Astara, Bakı, Balakən, Bərdə, Cəlilabad, Daşkəsən, Gəncə, Goranboy, Göyçay, Kürdəmir, Qazax, Lənkəran, Mingəçevir, Naxçıvan, Neftçala, Sumqayıt, Şəki, Şəmkir, Şirvan, Tovuz, Yardımlı, Yevlax və Zəngilan) 73 gənc ərizəçi (35 oğlan və 38 qız) təlim kurslarında iştirak etmək üçün təşkilata müraciət etmişdir. Təşkilatın heyətindən başqa təlim kurslarında qonaq qismində Azərbaycan Respublikasının Gənclər və İdman naziri cənab Azad Rəhimov, Azərbaycan Respublikasının Gənclər və İdman Nazirliyinin Gənclərlə iş şöbəsinin müdiri xanım İndira Hacıyeva, Lənkəran Şəhər İcra Hakimiyyətinin İctimai-siyasi və humanitar məsələlər şöbəsinin Baş məsləhətçiləri cənab Asif İmanlı və cənab Nazim Əmənullayev, Lənkəran şəhər Gənclər və İdman İdarəsinin rəisi cənab Yalçın Əhmədov və rəis müavini cənab Nazim Vəliyev, ekspert qismində isə 6 saylı Ərazi Vergilər İdarəsinin vergi ödəyicilərinə xidmət sektorunun müdiri, ABŞ-ın “İcma Əlaqələri Proqramı – 2008”-in KSM sahəsi üzrə məzunu cənab Eldəniz Kərimov və Bank Standard KB Lənkəran Filialının direktoru cənab Rüfət Əsgərov iştirak edərək özlərinin bilik və təcrübələrini gənclərlə bölüşmüş və iştirakçıların suallarını cavablandırmışlar. Təlim kurslarında heyətlə iştirakçılar arasında Korporativ sosial məsuliyyət (KSM) sahəsi ilə əlaqədar bir çox mövzular – “Korporativ Sosial Məsuliyyətli (KSM) sessiyası: KSM Fəaliyyət anlayışı, KSM Siyasət və onun formalaşması, KSM üzrə Dövlətin sosial siyasəti, KSM və davamlı inkişaf, KSM – yerli və beynəlxalq təcrübə kontekstində, Biznesin KSM – xeyriyyəçilik, KSM şirkətlər qrupu – yerli şirkətlərə çıxış, KSM və Karyera imkanları, KSM-in formalaşmasında gənclərin rolu və yeri, KSM-in inkişafında QHT institutları və onların funksiyaları, KSM əsaslı layihələrin – təkliflərin yazılması və idarəçiliyi, KSM sahəsində Dövlət qurumları ilə əməkdaşlıq, KSM sahəsində özəl qurumlarla əməkdaşlıq, KSM sahəsində QHT-lərlə əməkdaşlıq, KSM sahəsində İcmalarla əməkdaşlıq, KSM sahəsində KİV-lərlə əməkdaşlıq; Korporativ Sosial Məsuliyyətli (KSM) ünsiyyət (kommunikasiya) sessiyası: Ünsiyyət necə işləyir, Aktiv dinləmə və cavab vermə bacarıqları, Başqa nəzər nöqtələrə baxmaq bacarıqları, Düşüncə və Ön görmələrin idarə olunması, Güclü tərəflərin müəyyən olunması, Sizi başqaları necə görür, Bədən dilinə baxış, Mimikalar və jestlər, Özünə inamın artırılması, Çətin insanlar və çətin situasiyalar, Konfliktlərin həlli, İcma ilə nəsillərarası ünsiyyət; Korporativ Sosial Məsuliyyətli (KSM) ictimai müvəkkilik (Advokasi) sessiyası: Advokasi – ictimai vəkillik anlayışı, Advokasi fəaliyyətinin məqsəd və məramları, Advokasi kampaniyası mərhələlərinin ardıcıllığı, İnformasiya təminatı, maarifləndirmə və təbliğat, İctimaiyyətlə əlaqələr (PR), İcma səviyyəli ictimai müvəkkilik, İctimaiyyətin səfərbər olunması, Sosial tərəfdaşlıq, Advokasi kampaniyasında məsələ və problem anlayışı, məsələnin seçilməsi, problemin qoyuluşu, Advokasi kampaniyası üçün informasiyanın toplanması üsulları, Advokasinin əsas strategiyası, Strategiya və Taktika anlayışları, Advokasi kampaniyasında məqsəd: qısa müddətli məqsəd, uzun müddətli məqsəd, Qanunvericilik, Məhkəmələr, Dəstək bazasının genışlənməsi və KİV vasitəsilə Advokasi; Korporativ Sosial Məsuliyyətli (KSM) mesajın hazırlanması sessiyası: Mesajın forması və çatdırılma üsulları, Effektiv mesajın meyarları, Beyin həmləsi texnikasından istifadə” müzakirə olunmuşdur. Təlimin keçirilməsi zamanı heyət interaktiv qrup müzakirələri, debatlar, simulyasiyalar, təqdimatlar, fokus qrup müzakirələri, rol oyunları və enercayzerlər kimi bir çox təlim metodlarından geniş istifadə etmiş, eləcə də, bütün sessiya ərzində mövzularla bağlı müxtəlif sosial çarxlar izlənilmişdir. Təşkilatçılar həmçinin iştirakçılarla layihə ilə bağlı gələcək fəaliyyətləri, xüsusilə də, layihə çərçivəsində həyata keçirilən tədbirlərin nailiyyətləri, nəticə və yekunu barədə 05 dekabr 2014-cü il tarixində Lənkəranda mətbuat konfransının təşkilini də müzakirə etmişlər. Təlim kursunun sonunda bütün iştirakçılara sertifikatlar və KSM barədə müvafiq bukletlər təqdim edilmişdir. Sonda iştirakçılar və təşkilatçılar, eləcə də qonaqlar və ekspertlər layihə ilə bağlı öz fikirlərini bildirmiş və donora – Azərbaycan Respublikasının Prezidenti yanında Gənclər Fonduna gənclər üçün belə bir aktual layihənin reallaşdırılmasını təmin etdiyi üçün minnətdarlıq etmişlər.