2013-10-01

MAGİYA ictimai birliyi Lənkəranda “Region gəncləri üçün liderlik məktəbi” adlı daha bir layihənin həyata keçirilməsinə başlamışdır. Layihə 01 oktyabr – 27 dekabr 2013-cü il tarixlərini əhatə edəcəkdir. Layihə Amerika Birləşmiş Ştatlarının Azərbaycan Respublikasındakı Səfirliyinin maliyyə dəstəyi ilə həyata keçirilir. Layihənin məbləği 13 223,22 dollar təşkil edir. Layihənin məqsədi tənqidi düşüncə və problem həlletmə üzrə gənclərin liderlik bacarıqlarını inkişaf etdirmək, regionlarda yaşayan uşaq və gənclər üçün imkanların yaradılması vasitəsilə insanlar, xüsusilə də, gənclər və uşaqlar arasında əlaqələr, tolerantlıq və sülh quruculuğunu təşviq etməkdir. Layihə çərçivəsində ölkə ərazisindən seçilən 20 nəfər gənc üçün liderlik bacarıqları istiqamətində 4 təlim kursu təşkil olunacaqdır. Təlim kursları zamanı gənclərlə ictimai-siyasi xadimlər və millət vəkilləri arasında müvafiq görüşlərin təşkil olunması da təşkilatçılar tərəfindən planlaşdırılır. 18 dekabr 2013-cü il tarixində isə layihə çərçivəsində həyata keçirilən tədbirlərin nailiyyətləri, nəticə və yekunu barədə Lənkəranda mətbuat konfransı təşkil olunacaqdır. Layihədə iştirak etmək istəyən gənclər 12 oktyabr 2013-cü il tarixinə qədər təşkilata müraciət edə bilərlər.