2013-10-01

MAGİYA ictimai birliyi Lənkəranda “Korporativ sosial məsuliyyət siyasətinin formalaşdırılmasına ictimai dəstək” adlı böyük bir layihənin həyata keçirilməsinə başlamışdır. Layihə 01 oktyabr – 27 dekabr 2013-cü il tarixlərini əhatə edəcəkdir. Layihə Azərbaycan Respublikasının Gənclər və İdman Nazirliyinin maliyyə dəstəyi ilə həyata keçirilir. Layihənin məbləği 3595 AZN təşkil edir. Layihənin əsas məqsədi korporativ sosial məsuliyyət siyasətinin formalaşmasında gənclərin və ictimaiyyətin maarifləndirilməsi və məlumatlandırılmasından ibarətdir. Eyni zamanda, layihə çərçivəsində həyata keçirilən tədbirlərin nailiyyətləri, nəticə və yekunu barədə 18 dekabr 2013-cü il tarixində Lənkəranda mətbuat konfransının təşkili də nəzərdə tutulmuşdur. Layihədə iştirak etmək istəyən gənclər 01 noyabr 2013-cü il tarixinə qədər təşkilata müraciət edə bilərlər.