2013-07-01

MAGİYA ictimai birliyi Lənkəranda “Regionlardan olan gənclər üçün liderlik məktəbi” adlı layihənin həyata keçirilməsinə başlamışdır. Layihə 01 iyul 2013-cü il – 31 mart 2014-cü il tarixlərini əhatə edəcəkdir. Layihə ABŞ-ın Milli Demokratiya İnstitutunun (MDİ) təşkilati və ABŞ-ın Beynəlxalq İnkişaf Agentliyinin (USAİD) maliyyə dəstəyi ilə həyata keçirilir. Layihənin məbləği 32000 dollar təşkil edir. Layihə çərçivəsində ölkə ərazisindən seçilən 20 nəfər gənc üçün liderlik bacarıqları istiqamətində 4 təlim kursu təşkil olunacaqdır. Təlim kursları zamanı gənclərlə ictimai-siyasi xadimlər və millət vəkilləri arasında müvafiq görüşlərin təşkil olunması da təşkilatçılar tərəfindən planlaşdırılır. Təlim kurslarından sonra layihə məzunları üçün kiçik sub-qrantlar elan olunacaqdır və 800 dollar məbləğində bir neçə icma əsaslı yerli layihələr maliyyələşdiriləcəkdir. 15 mart 2014-cü il tarixində isə layihə çərçivəsində həyata keçirilən tədbirlərin nailiyyətləri, nəticə və yekunu barədə Lənkəranda mətbuat konfransı təşkil olunacaqdır. Layihədə iştirak etmək istəyən gənclər 10 avqust 2013-cü il tarixinə qədər təşkilata müraciət edə bilərlər.