2012-07-31

MAGİYA ictimai birliyi Lənkəranda “Regionlardan olan gənclər üçün liderlik məktəbi” adlı daha bir layihənin həyata keçirilməsinə başlamışdır. Layihə 01 avqust – 29 dekabr tarixlərini əhatə edəcəkdir. Layihə Azərbaycan Respublikasının Gənclər və İdman Nazirliyinin yanında Gənclər Fondunun təşkilati və maliyyə dəstəyi ilə həyata keçirilir. Layihənin məbləği 4125 AZN təşkil edir. Layihə çərçivəsində bölgə üzrə 18-29 yaş arası 20 nəfər gənc seçiləcək və onlar üçün Lənkəranda 06-07 oktyabr, 03-04 noyabr, 01-02 dekabr 2012-ci il tarixlərində davamlı təlim kursları keçiriləcəkdir. 13 dekabr, 2012-ci il tarixində isə layihə çərçivəsində həyata keçirilən tədbirlərin nailiyyətləri, nəticə və yekunu barədə Lənkəranda mətbuat konfransı təşkil olunacaqdır. Bununla yanaşı təlim kurslarında iştirak edən gənclərlə millət vəkilləri və dövlət xadimləri arasında müvafiq görüşlərin təşkil olunması da təşkilatçılar tərəfindən planlaşdırılır.

Layihədə iştirak etmək istəyən gənclər 23 sentyabr 2012-ci il tarixinə qədər təşkilata müraciət edə bilərlər.